暗戀一個人嘅執着，有時會令到自己都覺得好驚訝。
當佢有需要嘅時候，你永遠係第一個出現幫佢解決問題嘅人；佢一句唔開心你會即刻氹番佢；佢想食嘅嘢你會即刻準備；佢學業同埋工作上有嘢唔明， 明明你都唔係嗰一瓣， 都會即刻做晒資料蒐集盡全力去幫佢。
明明佢嘅條件並唔係非常優秀，而你身邊亦都不乏唔錯嘅人選、主動向你示好嘅人，但係你嘅眼光永遠離開唔到佢。你無數咁多次向佢表達過你嘅感覺，但係佢冇明確拒絕你，又繼續接受你對佢嘅付出。
你知道佢可能只係利用你嘅善良，終有一日佢會同第二個人一齊，對你過去嘅付出毫無留戀。
你亦都明白繼續暗戀好大機會唔會有好結果；但你因為從來冇得到過佢，亦都唔甘心就咁結束，堅持落去希望總有一日會打動佢。
於是你仍然喺佢身邊默默咁守候佢。
.
「如果喜歡你是笑話 你都有開心過60秒嗎
旁人話總會有日感化你
待你這麼好有用嗎 還有用嗎
而你默然 還要問嗎」
歌手：陳小春
歌曲：一句到尾
作詞：黃偉文
作曲：陳光榮
#hkword #hkmusic #hkpop #cantopop #cantonese #廣東歌 #廣東話 #暗戀 #執著 #收兵 #陳小春 #黃偉文 #獻世 #取消資格 #失戀王 #一句到尾 #山雞 #應采兒 #神啊救救我吧 #犯賤 #我愛的人 #相依為命 #大地回春 #愛妻號 #樹大招風 #獨家記憶 #我不是偉人 #反黑 #古惑仔 #友情歲月
Search